Skip to content

Aumai au Faitioga ki luga Aofaga Gana Pasefika fakatautau

Aumai au Faitioga ki luga Aofaga Gana Pasefika fakatautau

Gana Pasefika a tatou ne vaega taua a tou tuu mo aganu, iloga mo te ola manuia

Ko oti ne tuku fakatasi ne matou se aofaga o ‘gana Pasefika fakatautau ke fesoasoani ki te avakaga o tino fakaaoga a te iva ‘gana Pasefika i Aotearoa nei.

Kafai e isi se mea ‘lei ne akoako mai ne te COVID-19 ke oko mai nei, ko te taua o ‘gana totino a tatou o fesoasoani kae sokotaki lei mo nisi tino. Ka fakatusatusa te aofaki o te lauga tino 2013 mo te laugatino 2018 e fakaasi mai te fanaifo o te aofaki o tino faipati ki ‘gana Pasefika i Aotearoa nei.

Tiga koe se talavou, se matua, se faiakoga io me se takitaki ote komuniti io me se tino fua tela e lasi tena naunau o fesoasoani ki te atiakega o ‘gana Pasefika – e talia katoatoa ne matou au faitioga. E talia foki ne matou a faitioga mai fakapotopotoga a komuniti, pisinisi, Ekalesia mo sose potukau tela e tautua ki komuniti a te Pasefika.

Sautalaga ka fakatele mai te po 4 Oketopa ki te 12 Novema.

Aofaga Gana Pasefika Fakatautau – Fesili o Sautalaga

Te Fakatelega o Gana Pasifika ka fakapatino me nea manakoga kola e manakogina ke agai atu te fanaka ote fakaaoga o gana a tatou i Aotearoa.

Mo te Aofaga Gana Pasefika ke galue, e manakogina o tou tusaga mo faitioga ke malamalama me nea mea e manakogina mo fesoasoani ki tau ‘gana io me so se ‘gana.

Matou e akai atu ki sou tusaga ki mea e manakogina ke fesoasoani ki te fanakega o te fakaaoga o ‘gana a te Pasefika i luga i Aotearoa.

Ka fakaaoga ne matou au faitioga mo fakakatoatoa te Aofaga Gana Pasefika kae fautua foki te Maloo ki luga i manakoga mo fesoasoani ki se avakaga i te fakaaoga o ‘gana Pasefika i Aotearoa.

Sautalaga ka fakatele mai te po 4 Oketopa ki te 12 Novema.

E mafai o fai au mau:

  • E isi se motou pepa fakamau faitioga i luga i motou website e avatu ei kia koe se avanoaga ke fai sau molimau ki loto kae seiloa ne nisi tino.
  • Avega o tau faitioga i te email: [email protected]
    e mafai foki koe o sokotaki atu kia matou i te email mo so se faitioga, tusaga io me se fesili.

Sokotaki ki te Minisituli a Tino Pasefika i te [email protected]

A mau ne maua mai ia koe ka se maua o se mafai o iloa me ko koe io me koe tokotasi ona a fakamatalaga ne ‘tae ka tukufakatasi.  Tiga i ei, e mafai o tusi ne matou tou igoa i te lipooti fakaoti pela me se tino tokotasi o tino kola ne isi ne maua mai ei a mau konei ko fakamau ki lalo i te taimi o te sautalaga.  Kafai koe se manako ke tusi tou igoa totino, fakamolemole ko fakailoa mai.

Aumai au Faitioga ki luga Aofaga Gana Pasefika fakatautau


Te Aofaga Gana Pasefika fakatautau e tolu ana faifaiga taua kola ne fakasino loa mo fesoasoani te kiloga saukatoa ke fakaola ‘gana Pasefika i Aotearoa:  

  • Faifaiga Taua 1: Fuli te kiloga ke fakamautinoa te fakaaoga ‘gana Pasefika e aoga
  • Faifaiga Taua 2: Fakauke aka avanoaga mo auala e tauloto ei ‘gana Pasefika
  • Faifaiga Taua 3: Fakatoka se enivalomene mo ‘gana Pasefika ke mafai o fakaaoga ‘soko, kae i koga e lasi avanoaga


Tou komiuniti ko leva loa ne galue malosi o fakatumau tou ‘gana i konei i Aotearoa.  E isi ne vaega fautuaga mo polokalame i te Atufenua katoa o fesoasoani ki ‘gana Pasefika e aofia ei Vaiaso o te ‘Gana mo nisi faigamea a komiuniti.


Ko tai lasi foki loa a te gasuega i tou akoga mo ana fakatokaga mo ‘gana Pasefika kae tuku atu foki ki talavou maumea valevale mo tauloto kae fakatumau o lotou ‘gana.