Skip to content

Fa’ailoa mai sou finagalo fa’aalia i le ata fa’ata’ita’i o Fuafuaga o Gagana Pasefika

Fa’ailoa mai sou finagalo fa’aalia i le ata fa’ata’ita’i o Fuafuaga o Gagana Pasefika

O a tatou gagana Pasefika o se vaega tāua o le tatou aganuu, faʻasinomaga ma lo tatou soifua manuia

Ua matou tuʻufaʻatasia se ata faataʻitaʻi o Fuafuaga o Gagana Pasefika e fesoasoani e lagolago ai le fa’ateleina o le faʻaaogāina o gagana e iva a le Pasefika i Aotearoa

Afai e i ai se mea ua aʻoaʻoina ai tatou e le COVID-19, o le tāua o a tatou gagana mo fesoʻotaʻiga ma le felagolagomaʻi fa’atasi. O faʻatusatusaga mai faʻamaumauga o le Tusigaigoa 2013 i le Tusigaigoa 2018, ua faʻaalia ai ua fa’aititia le aofa’i o tagata e tautatala i gagana Pasefika i Aotearoa

Po’o oe o se tupulaga talavou, matua, se faiaoga poʻo se taʻitaʻi o se nu’u,  po’o se tagata naunau mo le lagolagoina o gagana Pasefika ina ia olaola - matou te talia fiafia lou finagalo fa’aalia. Matou te talia fiafia foʻi se finagalo fa’aalia mai faʻalapotopotoga o nuʻu, pisinisi, Ekalesia ma soʻo se vaega e tautuaina nu’u o le Pasefika.

O le faʻatalanoaga o le ā amata mai le 4 Oketopa - 12 Novema.

Ata Fa’ata’ita’i o Fuafuaga o Gagana Pasefika - Fesili Faʻatalanoaga 

O le Fuafuaga o Gagana Pasefika o le a fa’aali po’o le a le mea e mana’omia e lagolago ai le fa’atupuina o le faʻaaogāina o tatou gagana i Aotearoa.

Ina ia mafai ona galuea’ina la matou ata faataʻitaʻi o Fuafuaga o Gagana Pasefika, matou te manaʻomia sou sao ma sou finagalo faaalia, ina ia malamalama i mea e manaʻomia e lagolago ai lau gagana poʻo gagana.

O loʻo matou fesili atu mo sou sao i mea o loʻo manaʻomia e lagolago ai le fa’atupuina o le faʻaaogāina o gagana Pasefika i Aotearoa.

O le a matou faʻaaogāina lou finagalo fa’aalia e faʻamaeʻa ai le Fuafuaga o Gagana Pasefika ma tuʻuina atu fautuaga i le Mālō  i mea e manaʻomia e lagolago ai le fa’atupuina o le faʻaaogāina o gagana Pasefika i Aotearoa.

O le faʻatalanoaga o le ā amata mai le 4 Oketopa - 12 Novema.

E mafai ona fa’aali sou manatu i le:

  • O loʻo avanoa se matou pepa mo finagalo fa’aalia i luga o la matou 'upega tafaʻilagi e tu’u atu ia te oe le avanoa e fai sa’o ai sou manatu ma le faʻalilolilo.
  • Fa’ailoa mai lou finagalo fa’aalia e ala ile  imeli:[email protected]
    E mafai foi ona fa’afesoʻotaʻi matou i le imeli mo nisi finagalo fa’aalia, sao, poʻo ni fesili.

Faʻafesoʻotaʻi le Matāgaluega mo Tagata Pasefika i [email protected]

O finagalo fa’aalia, o le ā lē faʻailoaina ai oe, e pei fo’i o se tagata e toʻatasi, auā o ‘au’ili’iliga uma ma faʻamaumauga ua aoina, o le ā tu’ufa’atasia. Ae ui i lea, matou te ono tusia lou igoa i le lipoti mulimuli, o se tagata taʻitoʻatasi o le aotelega, o le lisi o tagata na tu’uina mai manatu i le taimi o le faʻatalanoaga. Afai e te lē manaʻo e taʻua lou igoa, faʻamolemole fa’ailoa mai iā’i matou.

Fa’ailoa mai sou finagalo fa’aalia i le ata fa’ata’ita’i o Fuafuaga o Gagana Pasefika


E tolu gaioiga tāua a le ata fa’ata’ita’i o Fuafuaga o Gagana Pasefika e fuafua e lagolago ai i se va’aiga aoao i Gagana Pasefika fa’aolaola i Aotearoa.

  • Gaioiga taua 1. Sui le va’aiga e mautinoa ai le fa’atāuaina o le gagana Pasefika
  • Gaioiga taua 2. Faateleina avanoa ma auala mo le aʻoaʻoina o gagana Pasefika
  • Gaioiga taua 3. Fausia ni siʻosiʻomaga mo gagana Pasefika ina ia faʻaaogā soʻo, ma le tele o avanoa


O tatou alalafaga sa galulue malosi e fausia ma faʻamautu a tatou gagana i’inei i Aotearoa. E i ai le tele o taumafaiga ma polokalame i le atunuʻu atoa e lagolagoina gagana Pasefika e aofia ai Vaiaso o Gagana ma mea fai a le nuʻu.


Ua tuputupu a’e gaioiga i totonu o aʻoaʻoga e lagolago gagana Pasefika ma tuʻuina atu i tagata talavou le tele o puna’oa e aʻoaʻoina ma faʻatumauina a latou gagana.