Skip to content

Tukuna mai vei keitou na nomu nanuma me baleta na Veivakasama Raiyawa ni Veiqaravi ni Tabacakacaka

Tukuna mai vei keitou na nomu nanuma me baleta na Veivakasama Raiyawa ni Veiqaravi ni Tabacakacaka

Na Veivakasama Raiyawa ni Veiqaravi (LTIB) e dua na gagadre vou vakamatanitu ena ruku ni Veiqaravi Raraba ena Vakaro 2020. Era gadrevi na veitabana kei na tabacakacaka ni matanitu me ra vakasamataka ke lailai me 10 na yabaki ki liu, na vakadikevi ni ivakarau ni veigauna mai muri, na veika rerevaki kei na madigi e rawa ni tarai Aotearoa e Niusiladi. O ira na LTIBs era veivuke ena kena tokoni na vakasama raiyawa me rawa kina vei ira na veiqaravi raraba me ra sotava na veisau ni mataka ka rawa ni solia na kena yaga vei ira na tamata mai Aotearoa. E rawa ni kune eke eso tale na itukutuku me baleta na LTIBS:

Veivakasama Raiyawa | Tabacakacaka ni Paraiminisita kei na Kebineti (DPMC)

Na ulutaga eda sa vakatura tiko me da vakasamataka sai koya – Vakatorocaketaki na itukutuku Vakatautauvata ni Pasifika: Vakalevutaki ni Madigi me taracake na bula Vinaka ena veisiga ni mataka ni Pasifika. Ena rawa vua na LTIB me vakatitobutaka na nodra kila me baleta na itukutuku vakatautauvata ni Pasifika me vukea na kena vakasalataki na vakatulewa kei na lawatu vei ira na tamata ena Pasifika mai muri. 

E gadrevi vei keda vakalawa me da vakayacora e rua na veitalanoa raraba me vakadeitaki kina na iotioti ni LTIB e vakaraitayaloyalotaka na rai raraba – na imatai ena ulutaga vakaturi, kei na kena ikarua matailalai ni lewe ni LTIB.

Keitou sa sureta tiko na itukutuku volai kei na itukutuku vakavosa me baleta na noda iulutaga vakaturi ena LTIB. Keimami sa tauyavutaka e dua na ivola ni veitalanoa, ka rawa ni vakaleweni ena neimami mataveilawa. Na itukutuku oqo sa baleta na imatai ni veitalanoa raraba. Ena vakarautaka vei iko na itukutuku bibi me vukea kina na nomu soli itukutuku, okati kina na veitaro oqo:

  1. Na cava o nanuma me baleta na ivakamacala vakaturi ni itukutuku ni Pasifika kei na itukutuku vakatautauvata ni Pasifika?
  2. Na cava na ibalebale ni itukutuku ni Pasifika kei na itukutuku vakatautauvata ni Pasifika?
  3. E dau matanataka beka na nomu itikotiko na veika o rogoca me baleta na iwiliwili/itukutuku ni Pasifika e Aotearoa?
  4. Ena vukei ira beka vakacava na itikotiko ni Pasifika na itukutuku vakatautauvata ni Pasifika?
  5. Na cava o nanuma ni veimadigi se veika ririkotaki duadua me baleta na itukutuku vakatautauvata ni Pasifika?
  6. O sa vakadonuya beka ni itukutuku vakatautauvata ni Pasifika sa ikoya e dua na idola ki na tiko vinaka ni Pasifika? Cava na vuna?
  7. Na cava soti na nomu gagadre me baleta na itukutuku ni Pasifika ena gauna oqo kei na veisiga ni mataka?
  8. Na cava e so tale na veika e gadrevi se ulutaga o na gadreva kina na Tabacakacaka me vakadikevia ena LTIBs mai muri?

9. E tiko tale beka eso na nomu vakasama o via wasea?

E rawa ni o soli itukutuku me baleta na levu ga ni taro o taleitaka.

Sa vakarautaki tu ena neitou mataveilawa e dua na fomu ni vakalelewa ka solia vei iko e dua na madigi mo tukuna vakadodonu ka taqomaki kina.

Imeli mai vei keitou: [email protected] 

Vakau ki na:

Policy Branch
Ministry for Pacific Peoples PO BOX 833
Wellington 6140 New Zealand

Ia, kevaka o gadreva mo vakaitavi ena nodra vakaitavi na dauveiqaravi, me vaka na vuli, na veivosaki yadudua, yalovinaka veitaratara mai vei keitou ena: [email protected]

Na tikini siga ni kena sogo na tukutuku lesu mai na 5:00 ena yakavi ni Vakaraubuka 28 ni Janueri 2022.

Tukuna mai vei keimami na nomu nanuma me baleta na Veivakasama Raiyawa ni Veiqaravi