Skip to content

Fäeag Rotųam | Rotuman

Fäeag Rotųam | Rotuman

VḁI ne COVID-19 | The COVID-19 vaccine

Kḁinag vḁi (vaccines) ne la ʻesʻao ka ne kal höʻ raksaʻ ʻe ra se famori täe väeag pumuet ʻe ʻos la pärea Niu Sirḁgi ma hanuḁ tūtū ne Pasefiḁk ta ʻe ʻafʻaf teʻis COVID-19. Kḁinag vḁi ʻi (Vaccines) tē pumuet ʻe ʻos la ao pot ne ökök fak selene ma pesnese ʻe ʻos hanue teʻis ka la aʻvavhiḁn tapeʻ ma ʻos la säeag ne ʻos matanitū teʻis la famori ʻe ut tūtū ne rån teʻis la pō la sur hoiʻḁkim se hanue teʻis.

Vḁi (vaccines) ne mou se ʻafʻaf teʻis COVID-19 la nā se famori ka kal aʻnoa tög ʻe ra. Tḁriḁg ma aʻesʻaoʻåk ne kḁinag vḁi ʻi (vaccines) la rou se rē puer ʻon ta leʻet, ka kal aʻneʻneʻåk fak foh ʻe ra la famori la kop la teak ʻe vḁi ʻi.

Vḁi ne ʻafʻaf teʻis COVID-19 la hḁiasoag la pärea ʻis ʻe ʻafʻaf ta ʻe av ne täe ʻe muḁ. Ka ʻis ʻatakoa kop la garue agʻesea la ʻutʻḁkia ma fuʻḁkia forås ne ʻafʻaf teʻis COVID-19 ʻe ʻos pureʻaga. ʻIs kop la noh tḁupir se Foh pumuḁ Häk ʻi; sor ne ʻos siʻu, aʻesʻaoʻåk ne QR codes ma Bluetooth ma fuʻ ʻe ʻou hanue ta nōnō ka ʻäe ʻafʻaf.

ʻE ʻos la sokʻḁkiof ʻos garue pumuḁ teʻis se muḁ la fuʻḁkia forås ne COVID-19, iḁ tē pumuet la ʻis la pōam ʻos rogrogo hün se COVID-19 ʻe ut ne aierʻåk fak matanitū la foråsʻåk rogrog aier. Rogorog se nonojo ma rogrog sioksiko pō seʻ ma la tāöp ʻos la hḁigaruega la fuʻḁkia forås ne ʻafʻaf teʻis. ʻÄe la pō teʻ ne rogrog aierʻi ʻe teʻ ne ut ʻi; ʻou Tḁk ta, Healthline ta, ʻe ʻou ut garueag teʻis ʻe utut ne ʻäe noho District Health Board, Ministerī ne Måür Fakforo ma ʻe Unite Against Covid-19 website ta, www.covid19.govt.nz

Vḁi ne COVID-19
COVID-19 vaccine frequently asked questions

‘Amnåk fak garuet se fuḁp‘åk ma nāag ne vḁi te‘is ‘e Niu Sirḁgi
New Zealand's vaccine rollout plan

‘Ou la teak ne vḁi ne COVID-19: tes ta la soko
Getting your COVID-19 vaccine: what to expect

Vḁhiḁg ne ‘ou kō ta
After your immunisation